ජී-මේල් හි තාක්ෂණික බිඳවැටීමක්
ලෝකයේ බහුලවම භාවිතා කෙරෙන විද්යුත් ලිපි සේවාව වන ‘ජී-මේල්‘ භාවිතා කරන්නන්ට තමන්ගේ විද්යුත් ලිපි යැවීමට මෙන්ම විද්යුත් ලිපියකට ගොණුවක් ඇමිණීමට නොහැකි වී තිබේ.
මේ සම්බන්ධයෙන් ගූගල් සමාගමට අද උදෑසන සිටම දිගින් දිගටම පැමිණිලි ලැබෙමින් පවතින අතර ඇතැම් කලාපයන්හිදී ලිපිගොණු හෝ ඡායාරූප ඇමිණීමට හෝ බාගත කිරීම ද කළ නොහැකි වී තිබේ.
හැකි ඉක්මණින් තත්ත්වය හඳුනාගෙන දෝෂ නිරාකරණය කිරීමට ඉංජිනේරු කණ්ඩායම් කටයුතු කරමින් සිටින බව ගූගල් සමාගම දැනුම් දී ඇතැයි ඉන්දීය ව්යාපාරික සඟරාවක් වන ‘බිස්නස් ඉන්සයිඩර්‘ සඟරාව කියයි.
අන්තර්ජාල සේවා බිඳවැටීම් සම්බන්ධයෙන් සොයා බලන සමාගමක් වන ‘ඩවුන් ඩිටෙක්ටර්“ සමාගමේ නිවේදනයක් අනුව මෙම තත්ත්වය ඉන්දියාව, ඕස්ට්රේලියාව, ජපානය සහ ලෝකයේ තවත් රටවල් කිහිපයකම ජී-මේල් භාවිතා කරන්නන්ට බලපා ඇති බවත් වාර්තා වේ.
මාස දෙකක කාලයක් ඇතුළත ජී-මේල් සේවාවේ දෙවැනි බිඳ වැටීම මෙයයි.
