කෝවිඩ් මර්දන මෙහෙයුමෙන් නාවික හමුදාව ඉවත් වන කතා බොරු
නාවික හමුදාව කොවිඩ් – 19 මර්දනය කිරීමේ මෙහෙයුම්වලින් තාවකාලිකව ඉවත්වී ඇති බවට පැතිර යන පුවත අසත්ය බව නාවික හමුදාව නිවේදනයක් නිකුත් කරමින් පවසයි.
සමාජ මාධ්ය ජාලා සහ පුවත් වෙබ් අඩවි කිහිපයක මේ පිළිබඳව අසත්ය තොරතුරු පල කර ඇති බවද නාවික හමුදාව සඳහන් කරයි.
කොවිඩ් – 19 මැඩලීමේ ජාතික යාන්ත්රණය තුළ නාවික හමුදාව විසින් සිදු කරන කිසිදු මෙහෙයුමකින් නාවික හමුදාව ඉවත් වී නොමැති බවත්, ඒ සියලු කටයුතු සඳහා නාවික හමුදාවේ උපරිම දායකත්වය ලබා දෙමින් කටයුතු කරන බවත් එම නිවේදනයේ වැඩිදුරටත් දැක්වෙයි.