පාර්ලිමේන්තුව හෙට උදෑසන 10 දක්වා කල් තැබීමට කථානායක කරූ ජයසූරිය මහතා විසින් තීරණය කර තිබෙනවා.

මේ වන විට පාර්ලිමේන්තුවේ සභා ගැබේ කටයුතු සුපුරුදු පරිදි සිදු වේ. එමෙන්ම එක්සත් ජාතික පක්ෂ පාර්ලිමේන්තු මන්ත්‍රීවරුන් අද දින කලු පටි පැළඳ පැමිණ තිබීම සුවිශේෂී සිදුවීමක්.

අග්‍රාමාත්‍ය මහින්ද රාජපක්ෂට සහ කැබිනට් මණ්ඩලයට ඒරෙහිව විශ්වාසභංග යෝජනාවක් ජනතා විමුක්ති පෙරමුණ විසින් කථානායකවරයා භාර දී තිබෙනවා.

පාර්ලිමේන්තු රැස්වීම සම්බන්ධයෙන් කථානායක කරූ ජයසූරියගේ ප්‍රධානත්වයෙන් රැස්වූ පක්ෂ නායක රැස්වීමෙන් කිසිදු තීරණයක් ගැනීමට නොහැකිව අවසන්ව තිබෙනවා.

පාර්ලිමේන්තුව අද (14) පෙරවරු 10.00ට කැඳවන බවට කථානායක මාධ්‍ය අංශය විසින් ඊයේ (13) නිවේදනයක් නිකුත් කර තිබුණා.

පාර්ලිමේන්තුව හෙට (14) පෙරවරු 10.00ට කැඳවීමට කථානායක කරු ජයසූරිය මහතා තීරණය කර තිබෙනවා.