වහාම අදාල රෝහල් වෙත ගොස් හදිසි මරණ පරීක්ෂණ කටයුතු සිදු කරන ලෙස හදිසි මරණ පරීක්ෂකවරුන්ගෙන් අධිකරණ හා බන්ධනාගාර ප්‍රතිසංස්කරණ අමාත්‍යාංශය ඉල්ලයි.

රට තුළ ඇති වී ඇති තත්ත්වය පිළිබඳ සාකච්ඡා කිරීම සඳහා අද පස්වරු 2.00ට විශේෂ පක්ෂ නායක රැස්වීමක් කැඳවා ඇති බව පාර්ලිමේන්තු මහලේකම්වරයා සඳහන් කරයි.

කොළඹ සිදුවූ පිපිරීම්වලින් විදේශිකයන් 36 දෙනෙකු මිය ගොස් ඇති බව විදේශ කටයුතු අමාත්‍යාංශය සඳහන් කරයි.

පෞද්ගලික බස් ධාවනය යතා තත්ත්වයට පත් කිරීමට කටයුතු සිදු කර ඇති බව ලංකා පෞද්ගලික බස් රථ සංගමයේ සභාපති ගැමුණු විජේරත්න මහතා සඳහන් කරයි.

ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් ආරක්ෂක මණ්ඩලය අද ( 22) රැස්වීමට නියමිතව ඇත.

මාළඹේ , මිහිඳු මාවතේදී සැකකටයුතු මෝටර් රථයක් පොලිස් භාරයට ගේම ඇත. ප්‍රහාරවලට සම්බන්ධ සැකකරුවන් නවාතැන් ගෙන සිටි නිවසක්ද පානදුරින් හමුවී ඇත.

ඉන්දියාවේ සහ සිංගප්පූරුවේ කළ විදේශ සංචාරයන් නිමා කරමින් ජනාධිපති මෛත්‍රීපාල සිරිසේන ඊයේ (21) මධ්‍යම රාත්‍රීයේ යළි දිවයිනට පැමිණියේය.