කේරල ක්රමයට කුකුල්මස් වෑංජනයක්
අවශ්ය ද්රව්ය
*කුකුල් මස් ග්රෑම් 500
*කොත්තමල්ලි කුඩු තේ හැඳි 1
*මිරිස් කුඩු තේ හැඳි 1
*ගරම් මසාලා තේ හැඳි 2
(කොත්තමල්ලි, ගම්මිරිස්, සූදුරු, මාදුරු, කුරුඳු, කරාබුනැටි, එනසාල් එක්කර සාදාගන්නා තුනපහ විශේෂයක් වන අතර ඉන්දීය ආහාර සැකසීමේදී යොදාගනී.)
*කහකුඩු තේ හැඳි 1/2
*සූදුරු තේ හැඳි 1/2
*බී ලූනු ගෙඩි 1
*සුදුලූනු බික් 6/7
*පොල්කිරි කෝප්ප 1
*අමුමිරිස් කරල් 2
*පොල්තෙල් ස්වල්පයක්
*රම්පේ, කරපිංචා
*ලුණු, ගම්මිරිස් අවශ්ය පමණට
සාදන ක්රමය
*භාජනයක් ලිප තබා ඊට තෙල් එක්කර, සිහින්ව කපාගත් ලූනු, සුදුලූනු, ලුණු එක්කර තෙම්පරාදු කරගන්න.
*ඉන්පසු ගරම් මසාලා හා කොත්තමල්ලි හැර අනෙකුත් කුළුබඩු වර්ග ඊට එක්කරන්න.
*එය හොඳින් කලවම් කර සෝදා කපාගත් කුකුල් මස් කැබලි ඊට එක්කර හොඳින් තෙම්පරාදු කරගන්න.
*දැන් ඊට ගරම් මසාලාද එක්කර කලවම් කරගන්න.
*අනතුරුව එයට පොල්කිරි කෝප්පය එක්කර විනාඩි පහක් පමණ වැඩි ගින්දරේ පිසගන්න.
*දැන් ලිපේ ගින්දර අඩු කර තවත් විනාඩි පහළොවක් පමණ පිසගන්න.
*වෑංජනය ලිපෙන් බෑමට ආසන්නයේ කොත්තමල්ලි කුඩුද එක්කරගන්න.
විධායක සූපවේදී
දුමින්ද අබේසිරිවර්ධන
B.B.Q. on Wheels, කැන්බරා, ඔස්ට්රේලියාව