දැල්ලෝ බැදුම
අවශ්‍ය ද්‍රව්‍ය
*තරමක් ලොකු දැල්ලන් ග්‍රෑම් 300
*ගම්මිරිස් ඇට තේ හැඳි 2
*ලුණු කුඩු අවශ්‍ය පමණට
*පාන්පිටි ස්වල්පයක්
*හාල්පිටි ස්වල්පයක්
*බැදගැනීමට තෙල්
*ලූනු කොළ මිටක්
*රතු මිරිස් කරල් 2
සාදන ක්‍රමය
*දැල්ලන් හොඳින් සුද්දකර සෝදා කොටු හැඩයට හෝ දිගැති හැඩයට කපාගන්න.
*දැන් ගම්මිරිස් ඇට තරමක් බැදගෙන වංගෙඩියේ කොටාගන්න. ඊට ලුණු කුඩුද එක්කරගන්න.
*අනතුරුව කපාගත් දැල්ලන් හොඳින් දිය බේරෙන්නට තබා ගම්මිරිස් කුඩුවල දවටාගන්න.
*දැන් පාන්පිටි හා හාල්පිටි එකට මිශ්‍ර කරගන්න. (හාල්පිටි නොමැතිනම් කෝන් පිටි තේ හැන්දක් එක්කරන්න.)
*පසුව ලුණු, ගම්මිරිස් දවටාගත් දැල්ලන් පිටි මිශ්‍රණයේද දවටා ගැඹුරු තෙලේ රන්වන් පැහැයට බැදගන්න. (විනාඩි දෙකක් පමණ)
*දැන් බඳුනක් ලිප තබා ඊට තෙල් එක්කර කුඩාවට කපාගත් සුදුලූනු, කපාගත් මිරිස් හා කපාගත් ලූනු කොළ එක්කර ගම්මිරිස් හා ලුණුද අවශ්‍ය පමණට එක්කර බැදගත් දැල්ලන්ද ඊට එක්කරගන්න.
*මෙය රස කරගැනීමට දෙහි බිංදු දෙක තුනක් එක්කර කෑම මේසයට යවන්න.