පූජිත් ජයසුන්දර සහ හේමසිරි ප්‍රනාන්දු අද විශේෂ තේරීම් කාරක සභාව හමුවට
අනිවාර්ය නිවාඩු යවා සිටින පොලිස්පති පූජිත් ජයසුන්දර හා හිටපු ආරක්ෂක ලේකම් හේමසිරි ප්‍රනාන්දු යන මහත්වරුන් පාස්කු ප්‍රහාරය සම්බන්ධයෙන් විමර්ශනයට පත් කළ පාර්ලිමේන්තු විශේෂ කාරක සභාව හමුවට අද (06) කැඳවා තිබේ.
ඒ අනුව ඔවුන් පෙරවරු 11.00 ට පාර්ලිමේන්තු විශේෂ කාරක සභාව හමුවේ පෙනී සිටීමට නියමිතයි.
සාමාජිකයින් 9 දෙනෙකුගෙන් සමන්විත අදාළ කමිටුවේ සභාපතිත්වය දරන්නේ නියෝජ්‍ය කතානායක ආනන්ද කුමාරසිරි මහතායි.