දිවයින වටා මුහුදු ප්රදේශවල සුළං වේගය වැඩිවෙයි
බස්නාහිර, සබරගමුව, මධ්යම සහ වයඹ පළාත්වල සහ අනුරාධපුර, ගාල්ල සහ මාතර දිස්ත්රික්ක වල ඇතැම් ස්ථාන වලටමි.මී.100 වැඩි තද වර්ෂාපතනයක් ඇති විය හැකි බව කාලගුණ විද්යා දෙපාර්තමේන්තුව සදහන් කරයි.
එම දෙපාර්තමේන්තුව සදහන් කළේ බස්නාහිර, සබරගමුව, මධ්යම, වයඹ, දකුණු, ඌව සහඋතුරු මැද පළාත්වලත් මන්නාරමසහ වව්නියාව දිස්ත්රික්කවලත් ප.ව. 2.00 න් පමණ පසුව තැනින් තැන වැසි හෝ ගිගුරුම් සහිත වැසි ඇති විය හැකි බවයි.
මේ අතර බේරුවල සිට ගාල්ල, හම්බන්තොට හා පොතුවිල් හරහා මඩකලපුව දක්වා වෙරළට ඔබ්බෙන් වන මුහුදු ප්රදේශ සඳහා කාලගුණ විද්යා දෙපාර්තමේන්තුව විසින් අනතුරු ඇඟවීමක් සිදු කර තිබේ.
ගැඹුරු හා නොගැඹුරු මුහුදු ප්රදේශයේ පවතින ක්රියාකාරී වළාකුළු පද්ධතිය හේතුවෙන් ඉහත සඳහන් ස්ථාන සඳහා තද වැසි හා තද සුළං ඇති විය හැකියි.
සුළං වේගය ක්ෂණිකව පැයට කිලෝමීටර 70-80 ක් පමණ විය හැකි බවද කාලගුණ විද්යා දෙපාර්තමේන්තුව අනතුරු අඟවයි.
මේ හේතුවෙන් මුහුදු ප්රදේශ ක්ෂණිකව රළු වීමට වැඩි හැකියාවක් පවතී.