ගෝඨාභයට 26 වන දා සිට අප්‍රේල් 12 වන දා දක්වා කාලය තුළ විදේශගතවීමට ත්‍රිපුද්ගල මහාධිකරණයෙන් අවසර
හිටපු ආරක්ෂක ලේකම් ගෝඨභය රාජපක්ෂ මහතාට මේ මස 26 වන දා සිට අප්‍රේල් 12 වන දා දක්වා කාලය තුළ විදේශගතවීමට විශේෂ ත්‍රිපුද්ගල මහාධිකරණය අද අවසර ලබා දී ඇත.
මැදමුලන ඩී .ඒ. රාජපක්ෂ අනුස්මරණ කෞතුකාගාරය ඉදිකිරීමේදී රුපියල් මිලියන 33 ක මුදලක් අවභාවිතා කිරීම සම්බන්ධයෙන් වන නඩුව විශේෂ මහාධිකරණ විනිසුරුවරුන් වන සම්පත් අබේකෝන්, සම්පත් විජේරත්න සහ චම්පා ජානකී රාජරත්න යන විනිසුරු මඩුල්ල හමුවේ කැදවූ අවස්ථාවේදි වන අතර විත්තිකරුවන් 4 දෙනෙකු වෙනුවෙන් නීතිපතිවරයා විසින් නඩුවේ චෝදනා ගොනු කර ඇති ආකාරය සම්බන්ධයෙන් විත්තියේ නීතිඥවරුන් මෙහිදී මූලික විරෝධතාවක් ද ගොනු කර ඇත.
පිළිතුරු ලබාදීම සඳහා නීතිපතිවරයා මේ මස 28 වන දා කැදවීමට නියමිත බව වාර්තා වෙයි.