ලිංගික අරමුණු වෙනුවෙන් දැරියක් අළෙවි කළ වෙබ් අඩවි 04ක් තහනම්.
ගල්කිස්ස ප්‍රදේශයේ 15 හැවිරිදි දැරියක් ලිංගික කටයුතු සඳහා අන්තර්ජාලය ඔස්සේ අළෙවි කළ සිද්ධියට සම්බන්ධ වෙබ් අඩවි 04ක් තහනම් කිරීමට කොළඹ මහේස්ත්‍රාත් අධිකරණය නියෝග කර තිබෙනවා.
අදාළ නියෝගය විදුලි සංදේශ නියාමන කොමිසන් සභාවේ අධ්‍යක්ෂ ජනරාල්වරයා වෙත නිකුත් කර ඇති බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා සඳහන් කළා.
පොලිස් ළමා හා කාන්තා කාර්යාංශය කළ ඉල්ලීමක් සලකා බලමින් මෙම නියෝගය ලබා දී ඇති අතර සිද්ධිය සම්බන්ධයෙන් වැඩිදුර විමර්ශන කටයුතු සිදුකරමින් පවතිනවා.