පිටස්තර පුද්ගලයින්ගේ කතා දරාගත නොහැකිව නිවසින් පිටවු දැරිය අතුරුදන්
රත්නපුර – ඇල්ලෙගෙදර ප්‍රදේශයේ 14 හැවිරිදි පාසල් සිසුවියක් අතුරුදන් වීමෙි සිද්ධියක් සමිබන්ධයෙන් පොලිස් විමර්ශන ආරමිභකර තිබෙනවා.
මෙලෙස අතුරුදන් වී ඇත්තේ රත්නපුර – ඇල්ලෙගෙදර ප්‍රදේශයේ පදිංචි, රත්නපුර බටුහේන විද්‍යාලයේ 10 වන ශ්‍රේණියේ ඉගෙනුම ලබන සිසුවියක්.
දියණියගේ අතුරුදන්වීම සමිබන්ධයෙන් ඇගේ මව්පියන් විසින් කළ පැමිණිල්ලකට අනුව පොලිස් විමර්ශන ආරමිභකර ඇති අතර අදාළ දැරිය විසින් පසුගිය 2 වනදා ලිපියක් ලියා නිවසින් පිටත් ව ගොස් ඇති බව පොලීසිය ප්‍රකාශ කළා.
අදාළ ලිපිය මගින් දැරිය පවසා ඇත්තේ, තමාට පෙම්වතුන් සිටින බවට විවිධ පුද්ගලයන් ප්‍රකාශ කළ ද එවැනි සබඳතාවයක් නොමැති බවත්, විවිධ පුද්ගලයන් පවසන එම ප්‍රකාශ තුළින් තමා කළකිරීමට පත්ව ඇති බවයි.
ඒ අනුව ඇයව සම්බන්ධ කර ගන්නා ලෙස දුරකතන අංකයක් ද ලිපියේ සටහන් කර තිබුනද, නිවසින් පිටත් ව ගිය දැරිය ඉන් පසු වෙනත් දුරකතන අංකයක් ඔස්සේ අමතා තමාව බේරාගන්නා ලෙස ඇයගේ මව්පියන්ට දන්වා තිබෙනවා.
කෙසේවෙතත් එම සියලු දුරකතන අංක මේ වන විට ක්‍රියාවිරහිත බවයි පොලීසිය සඳහන් කළේ.
මේ වන විට අදාළ දැරිය විසින් ලිපියේ සටහන් කළ අංකයේ සහ ඇය පසු ව ඇමතුම ලබා දුන් අංකයේ දුරකතන සංඥා වාර්තා ලබා ගැනීමට කටයුතු කරමින් සිටින බව පොලීසිය ප්‍රකාශ කළා.
මේ අතර අදාළ දැරියගේ පෙර පෙම්වතා බවට ප්‍රකාශ කෙරුණු කුරුවිට ප්‍රදේශයේ පදිංචි තරුණයෙකුගෙන් ද සිද්ධිය සම්බන්ධයෙන් ප්‍රකාශ ලබා ගෙන තිබෙනවා.
කෙසේවෙතත් එම තරුණයා, සිසුවියගේ මෙම අතුරුදන්වීමට සම්බන්ධයක් නැති බවට තහවුරු වී ඇති බවයි පොලීසිය සඳහන් කළේ.