PCR ප්රතිඵල එන්න කලින් මුස්ලිම් කතගේ දේහය වළ දාලා
වැල්ලම්පිටිය, කුඩා බුද්ගමුවේ කාන්තාවක මියයාමෙන් පසු ඇයගේ පී.සී.ආර්. පරීක්ෂණයේ ප්රතිඵල ලැබීමට ප්රථම මාලිගාවත්ත මුස්ලිම් සුසාන භූමියේ දේහය භූමදානය කිරීම සම්බන්ධයෙන් වැල්ලම්පිටිය පොලිසිය විමර්ශනයක් ආරම්භ කර තිබේ.
මෙලෙස මියගොස් ඇත්තේ ෆාතිමා සහිරියි නමැති කාන්තාවකි. ඉකුත් 24 වැනි දින මියගිය කාන්තාව භූමදානය කර ඇත්තේ 25 වැනි දිනය.
මේ සම්බන්ධයෙන් බුද්ගමුව වසම බාර ග්රාම නිලධාරිගෙන් ලද පැමිණිල්ලක් මත විමර්ශන ආරම්භ කර තිබේ.
මරණය ලියාපදිංචි කළ බව කියන වේල්ල වීදිය ප්රදේශයේ මරණ පරීක්ෂකවරයා සහ ග්රාමනිලධාරි ඇතුළු ඊට සම්බන්ධ කිහිප දෙනකුගෙන්ම පොලිසිය ප්රකාශ සටහන් කොට තිබේ.
එමෙන්ම එම නිවසෙහි සිටි මියගිය කතගේ පවුලේ සාමාජිකයන් හය දෙනකු නිරෝධායනයට ලක් කර ඇත.
මීට පෙර බේරුවලදී ද පී.සී.ආර්. පරීක්ෂණ ප්රතිඵල ලැබීමට පෙර මෙලෙසම මෘත දේහයක් භූමදානය කර තිබිණි.
හේමන්ත ලියනපතිරණ
සිරිසේන ගමගේ – කොළොන්නාව