නුවර පාසලක කොවිඩ් පොකුරක්
නුවරඑළිය කලාප අධ්‍යාපන කාර්යාලය යටතේ පාලනය වන කොටගල ප්‍රදේශයේ පාසලක හදිස්සියේ කරන ලද කොවිඩ් පරික්ෂාවක දී ආසාදිත පිරිසක් හඳුනාගෙන තිබෙන බව වාර්තා වී ඇත.
නිසි සෞඛ්‍ය උපදෙස් මත පාසල් වැඩ කටයුතු සිදුනොවන බවට පාසල් සංවර්ධන කමිටුව විසින් කළ පැමිණිල්ලක් මත කොටගල සෞඛ්‍ය වෛද්‍ය නිලධාරි කාර්යාලයේ මහජන සෞඛ්‍ය පරීක්ෂකවරුන් සහ දිඹුල පොලීසියේ පොලිස් නිලධාරින් එක්ව එම පරීක්ෂාව සිදුකර ඇත.
මේ අනුව පාසලේ ගුරුභවතුන් දසදෙනෙකු සහ සිසු සිසුවියන් දසදෙනෙකු ආසාදිත බව හඳුනා ගෙන තිබෙන බව සඳහන් ය.
ඒ අනුව පාසලේ විදුහල්පතිවරයාට දැඩිව අවවාද කර තිබෙන බවද පැවසෙයි.