මුංකැවුම්
අවශ්‍ය ද්‍රව්‍ය
මුං පිටි (බැද කොටාගෙන නොහලා) 500g
හාල්පිටි (බැදගත්) 250g
පැණි 1/2L
සීනි 50g
තෙල් 1L
බැටර් මිශ්‍රණය 1L
සාදන ක්‍රමය
පැණි, සීනි භාජනයකට දමා ලිප තබා උණු කරගන්න.
මුං පිටිවලට හාල්පිටි 200gක් මිශ්‍ර කරගන්න.
ඉන්පසු පිටි මිශ්‍රණයට පැණි එක්කරමින් අතේ නොඇලෙන පරිදි හොඳින් අනාගන්න.
ලෑල්ලක් ගෙන එයට ඉතිරි පිටි ඉස සාදාගත් පිටි මිශ්‍රණය එය මත අඟල් 1/2 පමණ ඝනකමට තුනීකර ඩයමන්ඩ් (කිරිබත්) හැඩයට කෑලි කපාගන්න.
බැටර් එකේ තවරා ගැඹුරු තෙලේ බැදගන්න.
**බැටර් මිශ්‍රණය
අවශ්‍ය ද්‍රව්‍ය
හාල්පිටි 100g
මිටිකිරි අඬුකෝප්ප 1
කහකුඩු තේ හැඳි 1/4
සාදන ක්‍රමය
සියල්ල එකට එකතු කර හොඳින් මිශ්‍ර කරන්න.
කැටි නොගැසෙන පරිදි උකු ඝන මිශ්‍රණයක් ලෙස ගන්න.
මිශ්‍රණය උකු වැඩි නම් වතුර ස්වල්පයක් එකතු කරන්න.
ගල්කිස්ස මහ හෝටලයේ ආහාර හා ප්‍රවර්ධක අධ්‍යක්ෂ ආචාර්ය පබ්ලිස් සිල්වා ඉදිරිපත් කරයි
සම්බන්ධීකරණය – ගල්කිස්ස මහ හෝටලයේ නිමාකෝ ද සිල්වා