එජාප නව සන්ධානයේ මහ ලේකම්කම සජිත් පිලට ඉල්ලයි – නායකයා සජිත්
එක්සත් ජාතික පක්ෂය ප්රමුඛව පිහිටුවීමට යෝජිත සන්ධානයේ මහ ලේකම් ධුරය සජිත් පාර්ශ්වයට අවශ්ය බව පක්ෂ නායක රනිල් වික්රමසිංහට දැනුම් දී ඇත.
ඒ සඳහා පාර්ලිමේන්තු මන්ත්රී රංජිත් මද්දුම බණ්ඩාර පත් කරන ලෙස සජිත් පාර්ශ්වය ඉල්ලා තිබේ.
නව සන්ධානයේ දැනට සකස් කර ඇති ව්යවස්ථාවට අනුව වැඩි බලතල හිමිවන්නේ මහ ලේකම්වරයාටය. ජනාධිපතිවරණයට පෙර මෙම සන්ධානය බිහි කිරීමට සූදානම් වූ අවස්ථාවේ දී මහ ලේකම් ධුරයට පාර්ලිමේන්තු මන්ත්රී දොස්තර රාජිත සේනාරත්නට ලබා දීමට යෝජනා වී තිබිණි. ඒ අනුව ජනාධිපතිවරණයේ දී ජනාධිපති ධුර අපේක්ෂක සජිත් ප්රේමදාසට සහයෝගය ලබා දෙන පක්ෂ සමග ගිවිසුම් අත්සන් කිරීමට ද පාර්ලිමේන්තු මන්ත්රී රාජිත සේනාරත්න මූලිකව කටයුතු කරන ලදී.
නව සන්ධානයේ නායකත්වය විපක්ෂ නායක සජිත් ප්රේමදාසට ලබා දීමට දැනට යෝජනා වී ඇත. එම නිසා නායකත්වය සමග සහයෝගයෙන් කටයුතු කිරීම සඳහා රංජිත් මද්දුම බණ්ඩාර මන්ත්රීවරයාට මහ ලේකම් ධුරය ලබා දෙන ලෙස සජිත් පාර්ශ්වයේ ඉල්ලීම වී තිබේ.
උදයජීව ඒකනායක