වාද්දුවට පැය 12ක ජල කප්පදුවක්
වාද්දුව ඇතුළු ප්රදේශ රැසකට අද(24) පෙරවරු 8 සිට රාත්රි 8 දක්වා ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය පවසයි.
කෙත්හේන ජල පවිත්රාගාරයට සපයන විදුලි බලය අත්හිටුවීම හේතුවෙන් මෙලෙස ජල සැපසුම අත්හිටුවනු ඇත.
ඒ අනුව වාද්දුව , වස්කඩුව, කළුතර උතුර හා දකුණ, කටුකුරුන්ද ,නාගොඩ,පයාගල,පිලිමිනාවත්ත යන ප්රදේශවලට අදාළ කාලය තුළ ජල සැපයුම අත්හිටුවනු ඇත.
මීට අමතරව බෝම්ඹුවල, මග්ගොන, කළුවාමෝදර, මොරගල්ල, අලුත්ගම, දර්ගා නගරය හා බෙන්තොට යන ප්රදේශවලට ද අදාළ කාලය තුළ ජල සැපයුම අත්හිටුවන බව ජල සම්පාදනය දැනුම් දෙයි.