පස්වරු 2.00න් පසු ප්රදේශ කිහිපයකට වැසි
මධ්යම, ඌව සහ සබරගමුව පළාත්වලත් අම්පාර, මඩකළපුව සහ මුලතිව් දිස්ත්රික්කවලත් පස්වරු 2.00න් පසුව තැනින් තැන, වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව සදහන් කරයි.
එම දෙපාර්තමේන්තුව සදහන් කළේ බස්නාහිර පළාතෙත් ගාල්ල සහ මාතර දිස්ත්රික්කවලත් සිහින් වැසි ඇතිවිය හැකි බවයි.
උතුරු, උතුරු-මැද සහ වයඹ පළාත්වලත් හම්බන්තොට දිස්ත්රික්කයේත් විටින් විට හමන පැ.කි.මි.40 දක්වා තරමක් තද සුළං ඇති විය හැකි බව කාලගුණ විද්යා දෙපාර්තමේන්තුව සදහන් කරයි.
මේ අතර දෘශ්ය ලෙස සූර්යයා දකුණට ගමන් කිරීමේදී, අගෝස්තු මස 28 වන දින සිට සැප්තැම්බර් 07 දක්වා ශ්රී ලංකාව ආසන්න අක්ෂාංශ වලට සෘජුවම ඉහලින් පවතී. අද දින (29) දහවල් 12:10ට කරියමුල්ලිවයික්කාල් සහ පුදුකුඩුරිප්පු ප්රදේශවලට ඉතා ආසන්නව හිරු මුදුන්ව පවතින බව කාලගුණ විද්යා දෙපාර්තමේන්තුව වැඩිදුරටත් පවසයි.