අජිත් රෝහණටත් කොවිඩ් ආසාදනය වෙයි – ගුවන් හමුදාපති ස්වයං නිරෝධායනයේ
හිටපු පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතාට කොවිඩ් -19 වෛරසය ආසාදනය වී තිබෙනවා.
දින කිහිපයක සිට රෝහල්ගතව ප්‍රතිකාර ලැබූ ඒ මහතා මේ වනවිට යහපත් සෞඛ්‍ය තත්ත්වයෙන් පසුවන බව වාර්තා වේ.
මේ අතර ගුවන් හමුදාපති එයාර් මාර්ෂල් සුදර්ශන පතිරණ මහතා ස්වයං නිරෝධායනය සඳහා යොමු වී සිටිනවා.
ඒ ගුවන් හමුදාපතිවරයා සමග කටයුතු කළ කිහිපදෙනෙකු කොවිඩ් ආසාදිත බවට පසුගියදා හඳුනාගැනීමත් සමගයි.
ඉන් අනතුරුව ගුවන් හමුදාපතිවරයා මෙලෙස ස්වයං නිරෝධායනය සඳහා යොමුව තිබෙනවා.