චීස් රොටී (Cheese Roti)
අවශ්‍ය ද්‍රව්‍ය :-
*පාන්පිටි ග්‍රෑම් 250
*නැවුම් කිරි (පොල්කිරි හැර ඕනෑම කිරි වර්ගයක්) මි.ලී.130
*ලුණු කුඩු අවශ්‍ය පමණට
*ගාගත් චීස් ග්‍රෑම් 50-75
*බටර් මේස හැඳි 2
*තෙල් තේ හැඳි 1
සාදන ක්‍රමය
*කිරි ටික බඳුනකට දමා ඊට පාන්පිටි, ලුණු එක්කර මෝලියක් ලෙස අනාගන්න.
*දැන් මෙයට තෙල් තේ හැන්ද දමා එය අතේ නොඇලෙන මෘදු පදමට අනාගන්න.
*එය පැය බාගයක් වසා තබන්න.
*අනතුරුව එය මේසයක් මතට දමා ග්‍රෑම් 50 පමණ කැබලිවලට කඩාගන්න.
*දැන් රෝලින් පින් එකකින් රවුම් හැඩයට සාදාගත් රොටිය මතට යන්තමට රත් කරගත් බටර් ආලේප කර ගාගත් චීස්ද ඒ මත විසුරුවා හරින්න.
*දැන් එය රෝල් එකක් ආකාරයෙන් නවා, අනතුරුව පැතලි හැඩයට අතින් තද කරගන්න.
*එය යළි රෝලින් පින් එකකින් තුනී කරගෙන තැටියක් රත්කර දෙපැත්තම රන් පැහැයට පුළුස්සා ගන්න.
**පොල් නොදැම්මද මෙය ඉතා රසවත් රොටියකි.
ආහාර වට්ටෝරු
විධායක සූපවේදී
දුමින්ද අබේසිරිවර්ධන