කොවිඩ් මාරයා බිලිගත් හෙද සොයුරිය
මිනුවන්ගොඩ මූලික රෝහලේ හෙද සේවයේ නිරතවූ ඉන්දු අමරසිංහ මහත්මිය කොවිඩ් 19 වෛරසය ආසාදනය වීමෙන් ජිවිතක්ෂයට පත්ව තිබෙනවා.
කොවිඩ් ආසාදනය වීමෙන් පසු එම රෝහලේම ප්‍රතිකාර ලැබු ඇය රෝගී තත්ත්වය ක්‍රමයෙන් බරපතළ වූ හෙයින් පසුගිය (14) වනදා ඇයව කොළඹ IDH රෝහල වෙත මාරු කර තිබුණා.
රෝගීන් සිය ගණනක ජිවිත කොවිඩ් මාරයාගෙන් බේරාගත් ඉන්දු මහත්මිය පසුගිය දා අවාසනාවන්ත ලෙස ජිවිතයට සමුදෙනු ලැබුවා.
කොළඹ ජාතික රෝහලේ සහ ගම්පහ මූලික රෝහලේ සේවය කළ ඇය වසර 37ක සේවා කාලයකට හිමිකම් කියූ ප්‍රවීන හෙදියක් වන අතර ඇයගේ උතුම් මානුෂික ගුණාංග හේතුවෙන් ඇය රෝහලේ ප්‍රමුඛ චරිතයක් ද විය.