අවුරුදු 18 ත් 30 ත් අතර පුද්ගලයින්ට කොවිඩ් එන්නත ලබාදීම ඉදිරියේ දී
ඔක්තෝම්බර් මාසයේ සිට අවුරුදු 18 ත් 30 ත් අතර වයස් සීමාවල පසුවන පුද්ගලයින්ට කොරෝනා මර්දන එන්නත ලබාදීමට සැලසුම් කර ඇති බව යුද හමුදාපති ජෙනරාල් ශවේන්ද්‍ර සිල්වා මහතා පවසනවා. අවුරුදු 30 ට වැඩි පුද්ගලයින්ට මේ වනවිට සාර්ථකව එන්නත්කරණය සිදු කෙරෙමින් පවතින බවයි යුද හමුදාපතිවරයා සඳහන් කළේ.
මෙරට පුද්ගලයින් එක් කෝටි දහඅට ලක්‍ෂ 79,000 කට අධික පිරිසකට මේ වනවිට කොරෝනා මර්දන එන්නතේ පළමු මාත්‍රාව ලබා දී තිබෙනවා. මෙයින් දෙවන මාත්‍රාව ලබාගත් පුද්ගලයින් සංඛ්‍යාව හතලිස් හය ලක්‍ෂ 16,266 ක්. සැප්තැම්බර් මස අග වනවිට වයස අවුරුදු 30 ට වැඩි සියලුදෙනාටම එන්නත් මාත්‍රා දෙකම ලබා දී අවසන් කිරීමටයි සැලසුම් කර ඇත්තේ.