හෙට (28) උදැසන 5.00 සිට හුදකලා බව ඉවත්කරන ප්‍රදේශ සම්බන්ධයෙන් රජයේ ප්‍රවෘත්ති දෙපාර්තමේන්තුව නිවේදනයක් නිකුත්කර තිබේ.

ගාල්ල, බෝපේ පෝද්දල සෞඛ්‍ය වෛද්‍ය නිලධාරී කොට්ඨාසයට අයත් උක්වත්ත ප්‍රදේශයේ පැවති අවමගුලක් සඳහා සහභාගී වූ තිදෙනෙක් මේ වන විට ආසාදිතයන් වශයෙන් හඳුනා ගෙන තිබේ.

කොවිඩ් ආසාදිත වූ රෝහල්ගතව සිටි 650 දෙනෙකු අද (27) පුර්ණ සුවය ලබා ඇති බව පැවසෙනවා. සෞඛය අංශ සඳහන් කරන්නේ පූර්ණ සුවය ලබා එම පිරිස රෝහල්වලින් පිටව ගොස් ඇති බවයි.

සිනමා ශාලා විවෘත කිරීමට තීරණය කර ඇති අතර මේ සඳහා අග්‍රාමාත්‍ය මහින්ද රාජපක්ෂ මහතා අවසර දී ඇති බව වාර්තා වනවා.

වවුනියාව මහ රෝහලේ දැඩිසත්කාර ඒකකයේ වෛද්‍යවරුන් පස්දෙනකු සහ කාර්යමණ්ඩලයේ පිරිසක් නිරෝධායනය සඳහා යොමුකර ඇති බව පැවසෙනවා.

හඟුරන්කෙත ප්‍රදේශීය රෝහල කොවිඩ් ආසාදිතයන් රැඳවීම සඳහා රැඳවුම් මධ්‍යස්ථානයක් බවට පත්කර තිබෙනවා.

නිවසේ නිරෝධායනය වෙමින් සිටියදී ඊයේ (26) පැන පැනගිය කොවිඩ් ආසදිතයා අද (27) සොයාගෙන තිබෙනවා.

ගාල්ලේ පිහිටි ඇඟළුම් නිෂ්පාදන ආයතනයකින් කොවිඩ් ආසාදිතයන් 09 දෙනෙකු හඳුනා ගෙන තිබෙන බව ගාල්ල නාගරික සෞඛ්‍ය අංශය සඳහන් කරනවා.