අපරාජිත වාර්තාව තවදුරටත් ඉදිරියට ගෙන යන ශ්‍රී ලංකා දැල් පන්දු ශුරියෝ
ආසියානු කුසලාන දැල් පන්දු තරඟාවලියේ සිංගප්පූරුව සමග ඊයේ (07) පැවැති සුපිරි සිව් දෙනාගේ වටයේ තරඟයෙන් ශ්‍රී ලංකාව ලකුණු 67 ට 49 ක ජයග්‍රහණයක් වාර්තා කර තිබෙනවා.
ඒ අනුව ශ්‍රී ලංකා කණ්ඩායම සිය අපරාජිත වාර්තාව තවදුරටත් ඉදිරියට ගෙන යන්නට සමත් වුනා.
ශ්‍රී ලංකා කණ්ඩායම මේ වන විටත් ප්‍රසාද ලකුණු සටහනේ ඉදිරියෙන් සිටින්නේ ආසියානු කුසලාන දැල්පන්දු තරඟාවලියේ අවසන් තරඟයේ ස්ථානයක් වෙන් කර ගනිමින්.
ශ්‍රී ලංකා කණ්ඩායම අද (08) තරඟාවලියේ දෙවැනි වටයේ තරඟයක් සඳහා හොංකොං කණ්ඩායම සමග තරඟ වැදීමට නියමිතයි.