අයිස්ටයින්ටත් නොදෙවෙනි වූ ශ්‍රී ලාංකික දැරිය
ලොව මෙතෙක් බිහිවූ විශිෂ්ටතම විද්‍යඥයින් දෙදෙනෙකු ලෙස සැලකෙන ඇල්බර්ට් අයිස්ටයින් සහ ස්ටීවන් හෝකින්ස්ගේ IQ මට්ටම ඉක්මවා ගිය ශ්‍රී ලාංකික සම්භවයක් සහිත දැරියක පිළිබඳ පුවතක් මේ දින වල වාර්තා වනවා.
මෙම සුවිශේෂී දක්ෂතාව පෙන්වා ඇත්තේ, අරියානා දඹරව හේවගේ නමැති දැරියයි.
ඇය මේ වනවිට 10 හැවිරිදි වියේ පසුවන පාසල් දැරියක්.
අරියානා දැරිය සිය මව්පියන් සමඟ බ්‍රිතාන්‍යයේ Huddersfield හි පදිංචිව සිටිනවා.-
Huddersfield හි St Patrick’s කතෝලික පාසලේ අධ්‍යාපනය හදාරණ අරියානා පසුගිය දිනක Mensa IQ පරීක්ෂණයෙන් ලකුණු 162ක් ලබාගැනීමට සමත්ව තිබෙනවා.
ඒ අනුව එය ඇල්බර්ට් අයින්ස්ටයින් සහ ස්ටීවන් හෝකින්ස්ගේ ඇස්තමේන්තුගත බුද්ධි මට්ටම වන 160ක ප්‍රමාණය ඉක්මවා යාමක් වනවා.
ශ්‍රී ලංකාවේ මාතලේ ප්‍රදේශයේ පදිංචිකරුවන් වන ඔවුන් 2009 වසරේදී පදිංචිය සඳහා බ්‍රිතාන්‍යට ගොස් ඇති බවයි වාර්තා වන්නේ.
අරියානා පවසන්නේ තම බලාපොරොත්තුව ද ප්‍රසිද්ධ විද්‍යාඥවරියක වීම බවයි.